يمانيون في عدن

اليوم وانا في كورنيش المحافظ في ريمي والله عن يميني اسرة من تعز وعن يساري اسرة من الحديدة ..ساننقرض ياقوم..واصحاب عدن للعدنيين لما يشوفوا ضالعي والا يافعي قالوا ذولا مش عدانية يخرجوا ويرجعوا بلادهم اخر واحد قال للوالدة انتي بدوية ارجعي بلادك .ايش جلسك بعدن.عدن حقنا 

.طبعا في شريحة من هذا النوع .حنوا لشمال نسيوا ان اجدادهم او اباءهم اجو عدن وعاشوا في افضل بقاع الارض وتعلموا احسن تعليم واشتغلوا احسن الاشغال واتملكوا احسن البيوت ..والان يتنكروا ..

ويقولوا مافي حاجة اسمها جنوب احنا يمن واحد..طيب يا اصيلي اسال جدك والا ابوك كيف كان عايش في الشمال وكيف عاش في الجنوب .والا كان جلس مكانه طالما انه مرتاح في ارضه...اقول لكل من يقول عدن مش حق اصحاب يافع ولا الضالع ولاالبدو اقوله .قبلوكم ذولا لما اجيتوا ومنحوكم افضل الامتيازات والدليل الوضائف السيادية اغلبها لابناء عدن لانهم متعلمين 

.فلا تجوا انتوا الان وتتافئفوا من ذولا بحجة انهم اجوا من الجبال والقرئ..اسال ابوك او جدك من فين اجئ لما اجئ من الشمال اعتقد ما اجئ من قصر الشنزليزيه 

..طبعا كلامي للي فاعلين نفوسهم عدانية وان عدن فقط حكر لهم .وهم شريحة.ولا اعمم علئ الكل والذي علئ راسه بطحه...وعدن حقنا كلنا من باب المندب الئ منفذ شحن والي مش عاجبه يرجع من حيث حن قلبه.

ضياء الهاشمي